Tilgangur félagsins er að rannsaka, þróa og rækta stórþörunga á Íslandi, framleiða og markaðssetja afurðir úr þeim jafnt innanlands sem utan. Ennfremur að kynna notkun stórþörunga til manneldis og  vinnslu margvíslegra verðmætra efna úr þeim þ.m.t. lífvirk efni, litarefni, efni fyrir lyfjagerð og snyrtivörur, vaxtahvetjandi efni fyrir plöntur ( grænmeti og blóm) o.s.frv

Frá stofnun Hyndlu ehf hefur félagið stundað fjölbreyttar rannsóknir á ræktun stórþörunga í borholusjó í kerjum á landi, aðallega klóblöðku (Schizymenia valentinae), sölvum (Palmaria palmata) og maríusvuntu (Ulva lactuca) í nánu samstarfi við Hafrannsóknastofnun með það að markmiði að greina bestu vaxtarskilyrði stórþörunga og arðbærar ræktunaraðstæður

Rannsóknir og tilraunir Hyndlu ehf hafa verið styrktar af AVS sjóðnum, í samstarfi við Hafrannsóknarstofnun og MATÍS, af Tækniþróunarsjóði, í samstarfi við Hafrannsóknarstofnun og Nýsköpunarmiðstöð síðar Tæknisetri.

Þá var Hyndla  þátttakandi í Evrópu verkefninu Taco Algae þar sem lögð var áhersla á að greina lífvirk efni svo og litarefni í klóblöðku og þróa aðferðir til að einangra þau. Verkefnið var styrkt af Tækniþróunarsjóði er varðar þátttöku Hyndlu í því.

Hyndla er þátttakandi í tveimur verkefnum á vegum NORA. Norræna Atlantssamstarfið (NORA) eru samtök fjögurra landa og fellur starfsemin undir byggðastefnu Norrænu Ráðherranefndarinnar. Löndin eru auk Íslands, Færeyjar, Grænland og Noregur.

Stjórn Hyndlu skipa Bjarni Grétar Bjarnason,  Gestur Ólafsson og Guðrún Hallgrímsdóttir.